Elordada halyqaralyq áıelder kúnine arnalǵan merekelik Gala Vallet ótedi

ASTANA. KAZINFORM — «Astana Balet» sahnasynda 6-7 naýryzda halyqaralyq áıelder kúnine arnalǵan Gala Ballet merekelik keshi uıymdastyrylady, dep habarlaıdy Mádenıet jáne aqparat mınıstrliginiń baspasóz qyzmeti.

Kórermen nazaryna klassıkalyq mura jaýharlary men zamanaýı horeografııalyq qoıylymdardan quralǵan áserli ári jan-jaqty baǵdarlama usynylady. 
Keshte bas dırıjer Arman Orazǵalıev sımfonııalyq orkestrge jetekshilik etedi.

Birinshi bólimde horeografııalyq mınıatıýralar, sondaı-aq Petr Chaıkovskııdiń mýzykasyna Aınur Ábilǵazına qoıǵan «Trıýmf» baleti kórsetiledi.

Baǵdarlamada Aram Hachatýrıannyń «Spartak», Sergeı Rahmanınovtyń «Kóktemgi qarǵyn sý», Adolf Adannyń «Jızel», Kamıl Sen Sanstyń «Aqqý», Lıýdvıg Mınkýstyń «Don Kıhot» baletinen pa-de-de jáne basqa da balet úzindileri bar.

— Sonymen qatar naýryz aıynda astanalyq ujym basqa da mazmundy baǵdarlamalar usynady. 13-14 naýryz — «Carmina burana» balet-kantatasy, Naýryz merekesi qarsańynda, 21 naýryzda sımfonııalyq orkestrdiń «Therapy. Jazz Night» kontserti ótedi. Al 27-28 naýryzda kórermen qaýym «Orfeı men Evrıdıka» baleti men «Bolero X» bir aktili zamanaýı balettiń premerasyn tamashalaı alady, — delingen habarlamada.

Buǵan deıin «Astana Balet» teatrynyń 2026 jylǵy jospary týraly jazǵan edik.