Elordada gúl satýshy bolý úshin ýaqytsha synaq merziminde júrgen boıjetken kassadan aqsha urlady
NUR-SULTAN. QazAqparat – Elordada krımınaldyq polıtsııa qyzmetkerleri kassadan aqsha urlady degen kúdikke ilingen 19 jastaǵy boıjetkendi ustady, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
Gúlder pavılonynda satýshy bolý úshin ýaqytsha synaq merziminde júrgen qyz jumystyń ekinshi kúninde dúken ıesiniń senimine kirip, beınebaqylaý kamerasynyń joqtyǵyn paıdalanyp, kassadan aqsha urlaǵan.
Atalǵan fakti boıynsha qylmystyq is qozǵaldy. Ustalǵan boıjetken kinásin moıyndady. Onyń elorda aýmaǵynda osyǵan uqsas burynǵy qylmystarǵa qatysy bar-joǵy tekserilip jatyr.
