Elordada ǵımarattarǵa jylý qashan beriledi
ASTANA. KAZINFORM – «Astana-Teplotranzıt» kásiporny shaharda jylytý maýsymy qashan bastalatynyn málimdedi.
– Jylytý maýsymynyń bastalýy Jylytý maýsymyna daıyndyq júrgizý jáne ótkizý erejelerimen retteledi. Ony bastaý úshin ortasha táýliktik temperatýra 5 kún boıy +10 gradýs deńgeıinde bolýy qajet. Atalǵan jaǵdaıda biz jylytý maýsymynyń bastalǵanyn jarııalap, nysandardy josparly túrde iske qosamyz, – dedi «Astana-Teplotranzıt» AQ basqarma tóraǵasynyń rejım jáne retteý jónindegi orynbasary - Bas ınjener Abzal Saýǵabaev.
Sonymen birge, aýa temperatýrasy tómendegen jaǵdaıda, áleýmettik nysandar úshin jylytý maýsymy erterek bastalýy múmkin.
– Biz áleýmettik nysandar - balalar men medıtsınalyq mekemeler úshin jylytý maýsymyn erterek bastaýdy qamtamasyz etýge árdaıym daıynbyz, - dedi Abzal Saýǵabaev.
Aıta keteıik, buǵan deıin Astanada qysqy jylytý maýsymyna jylý qory daıyn ekenin jazǵanbyz.
