Elordada gıd mamandary tapshy
«Nur-Sultan qalasynda týrızmniń damýyna qatysty sheshilýi tıis máseleniń biri – gıd mamandarynyń tapshylyǵy. Bizde qazaq, orys tildi gıd mamandary bar, aǵylshyn tildi de jetkilikti. Al frantsýz, ıtalııa, nemis jáne ıspan tildi mamandar jetispeıdi. Osyǵan oraı qalalyq kásipkerler palatasy ótken jyly gıd, ekskýrsııa jetekshisi jáne aýdarmashy mamandaryn daıarlaıtyn 2 birdeı oqý ortalyǵyn ashty. Onda ótken jyly 77 adam bilim alyp shyqty. Bul jumys bıyl da jalǵasady. Osy oraıda aıtarym, eger qaladaǵy qonaq úıler men týrıstik uıymdar joǵaryda atalǵan mamandardyń bilimin jetildirgimiz keledi dep qyzyǵýshylyq tanytsa, biz memlekettik qoldaý kórsetip, qol ushyn sozýǵa daıynbyz», - dedi Nur-Sultan qalasy «Atameken» ulttyq kásipkerler palatasy dırektorynyń kommertsııalyq suraqtar jónindegi orynbasary Beısen Jolboldıev.
Onyń aıtýynsha, oqý merzimi mamannyń biliktiligine qaraı 1 aıdan 3 aıǵa deıin jalǵasady.
«Eger oqýdy sátti aıaqtaǵan jaǵdaıda jumysqa ornalasý múmkindigi de qarastyrylady. Jalpy týrızm damyǵan elderde atalǵan mamandyq ıeleri joǵary suranysqa ıe. Al bizde áli de biraz ter tógýdi qajet etedi», - dedi ol.
Aıta keteıik, búgin qalalyq «Atameken» ulttyq kásipkerler palatasynyń qabyrǵasynda elordada týrızm salasyn damytýdy ilgeriletýge arnalǵan dóńgelek ústel ótti.
