Elordada Geıdar Álıev kóshesindegi ýchaskede qozǵalys ýaqytsha jabyldy
NUR-SULTAN. QazAqparat - Elordalyq Kólik jáne jol-kólik ınfraqurylymyn damytý basqarmasy Nur-Sultan qalasy PD ákimshilik polıtsııa basqarmasynyń kelisimimen jol qozǵalysy qaýipsizdigin qamtamasyz etý úshin Geıdar Álıev kóshesinde jol tósemin ortasha jóndeý jumystaryn bastaıdy, dep habarlaıdy qala ákimdiginiń resmı saıty.
Jóndeý jumystaryna baılanysty bıyl 19-25 shilde aralyǵynda Geıdar Álıev kóshesiniń Asqar Toqpanov kóshesinen Beljaılaý kóshesine deıingi bóligi avtokólik qozǵalysy úshin ishinara jabylatyn bolady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy ótinemiz», - delingen kólik basqarmasynyń habarlamasynda.
