Elordada geroın satqany úshin 38 jasar azamat ustaldy
ASTANA. Shildeniń 1-i. QazAqparat /Qanat Qulshymanov/ - Elordada geroın satqany úshin 38 jasar azamat ustaldy, dep habarlaıdy Kóliktegi ortalyq Іshki ister departamentiniń baspasóz qyzmeti.
Kóliktegi ortalyq Іshki ister departamentiniń qyzmetkerleri jedel-izdestirý sharalaryn júrgizý kezinde 38 jasar qala turǵynyn ustady, jeke tintý kezinde odan salmaǵy bir gramnan asatyn geroın esirtkisi tabylyp, tárkilendi.
Tergeý barysynda anyqtalǵany, ustalǵan azamat osyǵan deıin birneshe ret geroın esirtkisin satqan eken. Atalmysh fakti boıynsha QR QK 259 baby 1-1 bólimi (Asa iri kólemde esirtki quraldary men psıhotropty zattardy zańsyz satyp alý, tasymaldaý nemese satý úshin saqtaý) boıynsha qylmystyq is qozǵaldy. Ustalǵan azamat Astana stansasyndaǵy JІІB ýaqytsha oqshaýlaý abaqtysyna qamaldy, oǵan jeke múlkin tárkileý men úsh jyldan jeti jylǵa deıin bas bostandyǵynan aıyrý jazasy kesilýi múmkin.
