Elordada «Gazel» júrgizýshisi tonnel qabyrǵasyn qoparyp ketti
NUR-SULTAN. QazAqparat – Qonaev kóshesimen Turan dańǵylyna qaraı bet alǵan «GAZ-3302-288» kóligi tonnelge syımaı, qabyrasyn qoparyp ketken, dep habarlaıdy QazAqparat tilshisi.
Qalalyq polıtsııa departamentiniń habarlaýynsha, oqıǵa keshe saǵat 20.15-te bolǵan. Júrgizýshi jol jıegindegi belgini elemesten, tonnelden ótpek bolǵan. Saldarynan tonnel qabyrǵasyn qaptaǵan plıtalar qoparylyp ketken.
«Oqıǵadan zardap shekkender joq. Júrgizýshige qatysty Ákimshilik quqyq buzý kodeksiniń 610-baby boıynsha ákimshilik is qozǵaldy. Materıal Nur-Sultan qalasynyń mamandandyrylǵan aýdanaralyq ákimshilik sotynda qaralady», - dep jazylǵan departamenttiń málimetinde.
