Elordada gaz tapanshasymen 18 jastaǵy jigitti atqan adam ustaldy
ASTANA. 26 shilde. QazAqparat - Elordada gaz tapanshasymen 18 jastaǵy jigitti atqan adam ustaldy, dep habarlady Astana qalalyq ishki ister departamentiniń baspasóz qyzmetinen.
«2011 jyldyń 19 shildesinde, saǵat 05.00-de Astana q. ІІD-niń jedel basqarý ortalyǵyna kámelettik jasqa tolmaǵan 1993 jyly týǵan «K» esimdi azamattyń «oq jaraqatynan kóz almasynyń myljalanyp, ishki qabyǵyna túsýi» dıagnozymen 2-shi qalalyq aýrýhanaǵa jetkizilgeni týraly habarlama kelip túsken. Jábirlenýshi Respýblıka dańǵyly men Imanov kóshesiniń qıylysynda ornalasqan «Maestro» dámhanasynyń janynda belgisiz tulǵa atqan oqtan jaraqat alǵan.
Astana q. Saryarqa aýdany ІІB-nyń qyzmetkerleri jedel-izdestirý sharalaryn júrgizý barysynda 1985 jyly týǵan «A» esimdi azamatty ustap, aıǵaq zattardy tárkilegen. Jaýap alý barysynda aıyptalýshy kinásin moıyndady. Ol gazdy qarýmen oq jaraqatyn keltirýdiń sebebi retinde osy mekemede belgisiz jigittermen bolǵan tóbelesti ataǵan.
«Kúdikti ustalyp, Astana q. ІІD-niń Ýaqytsha ustaý ornyna qamaldy. Osy is boıynsha QR QK-niń 257-babynyń 3-bólimi boıynsha qylmystyq is qozǵaldy»,- delingen baspasóz habarlamasynda.
