Elordada gaz eseptegish qurylǵylar tegin ornatylmaq

NUR-SULTAN. QazAqparat –Elorda ákimi Altaı Kólginov JEO-1/JEO-2 gazǵa kóshirý jáne ónerkásiptik sektor men eldi-mekenderdi gazdandyrý úshin gaz taratý jelilerin salý jumystarynyń barysymen tanysty. Bul týraly QazAqparat ákimdik saıtyna silteme jasap habarlaıdy.

Aǵymdaǵy jylytý maýsymy aıaqtalǵannan keıin jabdyqtardy bólshekteýge kirisý, syrtqy jeliler, jáne t. b. boıynsha jumystardy júrgizý josparlanyp otyr. Gaz qubyry Qazaqstannyń Tuńǵysh Prezıdenti - Elbasy Nursultan Nazarbaevtyń tapsyrmasyna sáıkes salynyp jatyr.

Elordany odan ári damytý jónindegi keńeste Memleket Basshysy Qasym-Jomart Toqaev qalany gazdandyrý protsesin baqylaýǵa alýdy tapsyrdy. Elorda ákimi Altaı Kólginov kún saıyn atqarylǵan jumysty jiti tekserip, jumys qarqynyn tómendetpeý qajettigin atap ótti. Qalanyń ónerkásiptik sektory men eldi-mekenderdi gazdandyrý 3 kezeńde ótedi: kelesi jylytý maýsymynda Kóktal-1, Kóktal-2, Agrogorodok, Promyshlennyı, Jeleznodorojnyı, Ońtústik-Shyǵys eldi-mekenderi gazben qamtylady. Ekinshi kezeńde Mıchýrıno, Internatsıonalnyı, Kúıgenjar (1-2 ІKQ), Telman (3 ІKQ), Prıgorodnyı, Garden Village jáne Family Village (4 ІKQ) eldi-mekenderi qamtylady. Úshinshi kezeńde Ilınka (1-2-shi ІKQ), Shubar (3-shi ІKQ), Óndiris (4-shi ІKQ) eldi-mekenderi gazdandyrylady. Іske asyrý merzimi-2020-2023 j.

Qala turǵyndary úshin ákimdikpen aqysyz negizde eseptegishter qarastyrylǵan. Gaz ótkizý qaladaǵy zııandy qaldyqtardyń 6 esege, qatty zattardyń – 40 myń tonnaǵa deıin azaıýyna múmkindik beredi.