Elordada fýtboldan «Super Bol» jobasynyń aqtyq oıyny ótedi
NUR-SULTAN. QazAqparat – Erteń elordada fýtboldan «Super Bol» jobasynyń fınaly ótedi. Jarys alańynda «Jeńis» fýtbol klýby jáne arnaıy irikteýden ótken jas fýtbolıster synǵa túsedi, dep habarlaıdy QazAqparat tilshisi.
«Super Bol» jobasy Qazaqstanda alǵash qolǵa alynyp otyr. Ol bıyl maýsymda bastaldy. Erteń bizde fınal bolady, mańyzdy kún. Іriktelip alynǵan jas fýtbolıster 2,5 aı boıy daıyndaldy. Jas fýtbolısterdiń qabiletin arnaıy 8 skaýt qadaǵalady. Kastıng nátıjesinde fýtbol oınaý qabileti bar degen 132 úmitker anyqtaldy. Onyń ishinde úzdik degen 25 jas fýtbolısti tańdap alyp, olar Talǵardaǵy arnaıy bazada daıyndyq ótkizdi», - dedi «Super Bol» jobasynyń bas menedjeri Davıd Lorııa elordada ótken baspasóz máslıhatynda.
Uıymdastyrýshylardyń aıtýynsha, «Super Bol» jobasyna kastıng 15-25 jas aralyǵyndaǵy kásibı fýtbolǵa talasy bar jastar arasynda ótti. Onda 6 myńnan astam úmitker baǵyn synaǵan.
Sondaı-aq irikteý Nur-Sultan, Almaty, Shymkent, Semeı, Pavlodar, Aqtaý, Aqtóbe jáne Taraz qalalarynda ótkizildi.
Aıta keteıik, «Super Bol» jobasynyń aqtyq oıyny erteń elordadaǵy «Astana Arena» stadıonynda keshki saǵat 20:00-te bastalady.
«Jeńis» fýtbol klýby men jas fýtbolısterden quralǵan «Super Bol» komandasynyń oıynyn Ózbekstan fýtbol federatsııasynyń birinshi vıtse-prezıdenti Ravshan Irmatov tórelik etedi.
«Super Bol!» jas fýtbolshylar jobasyn QR Prezıdenti janyndaǵy «Dara» daryndylardy qoldaý qory jáne Freedom Broker ınvestıtsııalyq kompanııasy qolǵa alǵan.
Bıylǵy 7 tamyzda Almatynyń Ortalyq stadıonynda «Super bol» qatysýshylary men Qazaqstan quramasy sapynda oınaǵan, esimderi ańyzǵa aınalǵan fýtbolshylar joldastyq match ótkizgen edi. Oıyn 4:4 esebimen teń aıaqtaldy.
