Elordada fýtboldan qysqy birinshiliktiń jeńimpazdaryn marapattaý rásimi ótti
ASTANA. QazAqparat - Naýryz merekesinde fýtboldan qalalyq birinshilik pen fýtzaldan Astana qalasynyń birinshiliginiń chempıony men júldegerlerin saltanatty marapattaý rásimi ótti, dep jazady astana.gov.kz.
Marapattaý rásimi mereke kúni «Astana Arena» stadıonynda boldy. Sońǵy 11-kezeńde «Nasha kampanııa» matchtyń sońǵy mınýttarynda «Astana-97» komandasynan basym tústi. Týrnır barysynda kósh bastaǵan «Nasha kampanııa» komandasy fýtboldan Astana qalasynyń chempıony atandy. Saltanatty sharany Qazaqstan Respýblıkasynyń sport sheberi, belgili fýtbolıst jáne KFL jetekshi mamany Pavel Demıan ashty. Ol birinshiliktiń joǵary deńgeıde ótkenin atap ótti. Júldeger komandalarǵa alǵys hattar, al oıynshylarǵa medaldar men dıplomdar tabystaldy. Sonymen qatar, jarys barysynda úzdik oıynshylardyń esimderi anyqtaldy. Úzlik qaqpashy ataǵyn ıÝrıı Dmıtrıev («Batyr») alsa, Ánýar Túkenov («NK-1») úzdik qorǵaýshy atandy. Erbol Izekenov («Progress») úzdik jartylaı qorǵaýshy dep tanyldy. Týrnır barysynda eń kóp gol soqqan Ashat Baımoldaev («Batyr») boldy. Samır Kýlıev («Dostar») biraýyzdan úzdik oıynshy atandy. Sondaı-aq, fýtzaldan qalalyq birinshilikke qatysýshylar da dıplomdar men medaldarǵa ıe boldy. Bul jarysta 9-kezeńde 23 upaı jınaǵan «Semeı» komandasy altyn qanjyǵalady. «Batyr» komandasy kúmis alsa, qola «Progress» komandasyna buıyrdy. Jarysta úzdik fýtbolshy atanǵandar: «Semeılik» Rýslan Sábıtov (úzdik qaqpashy), «Batyr» komandasynyń oıynshysy Dmıtrıı Kamınskıı (úzdik qorǵaýshy), «Semeı» komandasynan Darhan ıÝsýpov (úzdik shabýylshy), «Progress» komandasynyń oıynshysy Qýanysh Ábdýálıev (úzdik oıynshy).
