Elordada fýtbol alańynan 38 jastaǵy er adamnyń máıiti tabyldy

NUR-SULTAN. QazAqparat – Nur-Sultan qalasynda 38 jastaǵy er adamnyń denesi tabyldy, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.

«Bıylǵy 26 shilde kúni saǵat 10:11-de «102» arnasyna Petrov kóshesindegi fýtbol alańynyń janynan 38 jastaǵy er adamnyń máıiti tabylǵany týraly qońyraý tústi», - degen habar taratty polıtsııa departamentiniń baspasóz qyzmeti.

Búginde atalǵan faktige qatysty QR QK 105-baby boıynsha sotqa deıingi tergeý júrip jatyr.

Sondaı-aq, sot-medıtsınalyq saraptama taǵaıyndaldy.

Aıta ketsek, keshe Almatyda Terrenkýr toǵanynan er adamnyń denesi tabylǵanyn habarlaǵan edik.

Odan bólek, osydan 2 kún buryn Shymkentte áldekim kóshede 19 jastaǵy jigitti óltirip ketken bolatyn.