Elordada Eýrazııalyq úkimetaralyq keńestiń keńeıtilgen otyrysy bastaldy
Otyrysqa Armenııa, Belarýs, Qazaqstan, Qyrǵyzstan, Reseıdiń úkimet basshylary jáne Eýrazııalyq ekonomıkalyq komıssııa Alqasynyń Tóraǵasy qatysady. EAEO-nyń baıqaýshy memleketteri - Moldova, Ózbekstan jáne Kýbanyń qatysýy da josparlanǵan.
EÚAK otyrysynyń shaǵyn jáne keńeıtilgen formaty eskerilgen. Búgingi keńeıtilgen quramdaǵy otyrystyń kún tártibine Eýrazııalyq ekonomıkalyq odaqqa múshe memleketterdegi makroekonomıkalyq jaǵdaıy jáne turaqty ekonomıkalyq damýdy qamtamasyz etý jónindegi usynystar, aýyl sharýashylyǵy ónimderin jedeldetilgen konteınerlik temirjoldyq tasymaldaýdy júzege asyrý jónindegi birlesken joba týraly, EAEO kedendik aýmaǵyna ákelinetin taýarlardyń baqylaý tetigi týraly kelisimin iske asyrý jaıynda máseleler jáne basqa da taqyryptar kiredi.
Aıta keteıik, QR Premer-Mınıstri Álıhan Smaıylov Eýrazııalyq úkimetaralyq keńes otyrysy aıasynda Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıchpen kelissóz júrgizdi.
24 aqpanda QR Premer-Mınıstri Reseı Federatsııasy Úkimetiniń basshysy Mıhaıl Mıshýstınmen kezdesti.
Sonymen qatar Álıhan Smaıylov Eýrazııalyq úkimetaralyq keńes otyrysy aıasynda Belarýs Respýblıkasynyń Premer-Mınıstri Roman Golovchenkomen ekijaqty kelissóz júrgizdi.
Munymen qosa, QR Premer-Mınıstri Álıhan Smaıylov Qyrǵyzstan Respýblıkasynyń Mınıstrler kabınetiniń tóraǵasy Aqylbek Japarovpen kezdesti.
