Elordada «Etno-Fashion» respýblıkalyq etno-mədenı festıvali bastaldy (FOTO)

ASTANA. QazAqparat - Qazaq handyǵynyń 550 jyldyǵyna oraı Qazaqstan halqy Assambleıasynyń is-sharalary aıasynda búgin elordada respýblıkalyq "Etno-Fashion" atty etno-mədenı festıval bastaldy. Festıvalge elimizdiń 12 óńirinen kelgen 70-ten astam sənger men dızaınerler, sondaı-aq qolóner sheberleri qatysyp jatyr. Qolóner ıeleri ulttyq naqyshtaǵy zergerlik buıymdaryn əri kórmege qoıyp, əri satyp jatsa, dızaınerler ulttyq kıimderdiń sən úlgilerin kórsetti.

"Búgingi Təýelsiz Qazaqstannyń jetistikteri, myna bizdiń jerimiz ata-babanyń úlken amanaty. Endi osy egemen eldiń týyn kóterý, dúnıe júzine jarqyratyp shyǵarý - osy urpaqtyń mindeti. Al, Qazaq handyǵynyń 550 jyldyǵy jastardyń boıyna maqtanysh pen jaýapkershilik uıalatatyn mereke", - degen Qazaqstan halqy Assambleıasy Tóraǵasynyń orynbasary Eraly Toǵjanov óńir-óńirdi aralap júrgen ekspedıtsııalarǵa toqtaldy.

"Osy jyldyń qurmetine arnaıy qazaq dalasy boıynsha úsh úlken ekspedıtsııa shyǵardyq. Biri Astana qalasynan shyqqan ekspedıtsııa, ekinshisi - qasıetti Beket Atanyń jeri - Aqtaýdan, úshinshi ekspedıtsııa - Pavlodardan shyqqan ujym. Bul úsh ekspedıtsııa da qazan aıynda Tarazda túıisedi", - deıdi E.Toǵjanov.

Al, búgingi «Etno-Fashion» festıvaline qatysty oıyn aıta kele, E.Toǵjanov qazaq jerin mekendegen ulttardyń bəri tatý-tətti ómir súrip jatqanyna jəne ər etnostyń salt-dəstúri saqtalǵanyna taǵy bir ret kýə bolǵanyn aıtady.

"Bul festıvalde ərtúrli mədenı ortalardy kórýge bolady. Festıval aıasynda kórme men buıymdardyń jərmeńkesin aralap shyqtyq, tarıhymyzdyń tasqa basylǵan belgileri osy mədenı óner arqyly bizge usynylyp otyr. Bul festıvalge barlyq oblys pen iri qalalar qatysyp otyr eken. ıAǵnı, búkil Qazaqstannyń kóne de jańa qolónerin kórýge úlken múmkindik týyp otyr", - deıdi E.Toǵjanov.