Elordada Estonııa Respýblıkasynyń Elshiligi óz jumysyn bastady
ASTANA. 25 shilde. QazAqparat /Marlan Jıembaı/ - Elordada Estonııa Respýblıkasynyń Elshiligi óz jumysyn bastady. Bul týraly búgin elordada QR Syrtqy ister mınıstrliginiń baspasóz hatshysy Іlııas Omarov málim etti.
«Astanada Estonııa Respýblıkasynyń Elshiligi óz jumysyn bastady. Estonııa isteriniń ýaqytsha senimdi ókili bolyp Margýs Solnsen taǵaıyndaldy», - dedi ol.
Onyń atap ótýinshe, Estonııa Elshiligi saıası-ekonomıkalyq qarym-qatynasty qoldap, Qazaqstan Respýblıkasynyń azamattaryna konsýldyq qyzmetter kórsetpek.
Sonymen qatar І.Omarovtyń aıtýynsha, 28 shilde kúni elordada Estonııa isteriniń ýaqytsha senimdi ókili Margýs Solnsen buqaralyq aqparat ókilderine arnaıy brıfıng ótkizedi.
