Elordada esirtki taratýshydan asa iri kólemde gashısh maıy tárkilendi

ASTANA. KAZINFORM – Krımınaldyq polıtsııa basqarmasynyń qyzmetkerleri kezekti esirtki taratýshynyń zańsyz áreketin toqtatty. 

Polisia.kz-tiń málimetinshe jedel-izdestirý sharalary barysynda qala aýmaǵynda esirtki taratýmen aınalysqan 36 jastaǵy azamat ustaldy.

Jeke tekserý kezinde er adamnyń kúrtesiniń qaltasynan 300 myń teńgege jýyq aqsha tabyldy.

Keıin úıinde, asúıdegi shkaftan 937 ml kólemindegi suıyq ashyq-qońyr tústi zat quıylǵan plastıkalyq bótelke, 400 maıdy quıýǵa arnalǵan plastıkalyq ampýla jáne ishine sur-jasyl tústi zat salynǵan qaǵaz túıinshek tabylyp, tárkilendi, - delingen habarlamada.

Aldyn ala boljam boıynsha tárkilengen zat — gashısh.

Sonymen qatar, kúdiktiniń aıtýy boıynsha ol esirtkini taratýǵa arnalǵan mekenjaılar da tekserildi.

Nátıjesinde birneshe orynnan árqaısysynda 4 ampýladan bar 2 túıinshek alyndy.

Saraptama qorytyndysyna sáıkes bótelke men ampýlalardaǵy zat «kannabıs shaıyry» esirtkisi bolyp shyqty.

Osylaısha, zańsyz aınalymnan shamamen 1 lıtr gashısh maıy tárkilendi.

Tergeý barysynda er adamǵa Telegram arqyly esirtki tasymaldaýshy retinde jumys isteý usynylǵany anyqtaldy.

Atalǵan fakti boıynsha qylmystyq is qozǵalyp, kúdikti ýaqytsha ustaý ızolıatoryna qamaldy. 

Eske salsaq Shymkentte esirtki zerthanasy joıylǵany týraly jazǵan edik.