Elordada esirtki qylmysyna qatysy bar eki adam qamaýǵa alyndy

ASTANA. KAZINFORM — Astanalyq polıtseıler gashısh satý arnasyn áshkereledi, dep habarlaıdy Polisia.kz.

Elordada júrgizilgen jedel is-sharalar barysynda kóshi-qon zańnamasyn buzǵany úshin jaýapkershilikke tartylǵan shetel azamaty ustaldy.

Tintý kezinde odan ózine tán ıisi bar, ósimdik tektes zat salynǵan qaǵaz qorap tabylyp, onyń gashısh ekeni anyqtaldy. Esirtki zaty tárkilenip, kúdiktige qatysty qylmystyq is qozǵaldy.

— Odan ári júrgizilgen jedel-izdestirý is-sharalary nátıjesinde tárkilengen esirtkini satýǵa qatysy bar tulǵa anyqtaldy. Onyń 57 jastaǵy júk tasymaldaýshy bolyp jumys isteıtin elorda turǵyny ekeni belgili boldy. Turǵylyqty jeri boıynsha júrgizilgen tintý kezinde shamamen 6 keli gashısh tabyldy. Satýǵa daıyndap qoıǵan 10 qaptama esirtki zaty men 110 qaǵaz oram, sondaı-aq ólsheýge jáne býyp-túıýge arnalǵan tarazy men quraldar tárkilendi, — delingen aqparatta.

Er adam esirtki zattaryn tanystary arqyly satyp, alýshylarǵa qolma-qol berip otyrǵan. Barlyq tárkilengen zat aıǵaq retinde alyndy, kúdikti ýaqytsha ustaý ızolıatoryna qamaldy. Kúdiktilerge qatysty qylmystyq is qozǵaldy.

Polıtsııa esirtki zattaryn saqtaý, satý jáne taratý úshin qylmystyq jaýapkershilik kózdelgenin eskertedi.

Aıta keteıik, elordada ıisshil ıt avtokólikten esirtki taýyp aldy.