Elordada eski jáne apatty jaǵdaıda turǵan úılerdi súrip tastaýǵa qatysty jumys toqtap qaldy

ASTANA. QazAqparat - Sońǵy kezde eski jáne apatty jaǵdaıda turǵan úılerdi súrip tastaýǵa qatysty jumys toqtap qaldy. Bul týraly Memleket basshysy Qasym-Jomart Toqaevtyń tóraǵalyǵymen elordany damytý máseleleri jónindegi keńeste aıtty, dep habarlaıdy Aqorda.

«Sońǵy kezde eski jáne apatty jaǵdaıda turǵan úılerdi súrip tastaýǵa qatysty jumys toqtap qaldy. Onyń ornyna beriletin jańa baspana sany 70 paıyzǵa azaıyp ketti. Qazir Astanadaǵy 200 úı turýǵa jaramsyz. Qalanyń Asan Qaıǵy kóshesin jańartý baǵdarlamasy bar. Biraq 5 jyldyń ishinde osy kóshedegi eski úılerdiń nebári 14 paıyzy ǵana buzylǵan. Jurt ǵımarattardyń tyǵyz salynyp jatqanyna narazy. Qurylysy toqtap turǵan úıler áli de bar. Úleskerlerdiń shaǵymy da kóp. Keıbir turǵyn úılerge ortalyqtan jylý berý máselesi sheshilmegen. Sonyń kesirinen adamdar daıyn turǵan baspanasyna kóshe almaı otyr. Sondaı-aq 360 astam úıge kúrdeli jóndeý jumystaryn júrgizý kerek. Olardy jańǵyrtý josparyn ázirleý qajet», - dedi Memleket basshysy jıynda.