Elordada eskertkishtiń baǵaly metaldan jasalǵan áripterin urlaǵan adam ustaldy
NUR-SULTAN. QazAqparat – Elordada Ekinshi dúnıejúzilik soǵys jaýyngerleriniń eskertkishinen baǵaly metaldan jasalǵan áripterin urlaǵan adam ustaldy, dep habarlaıdy QazAqparat.
Saryarqa aýdandyq polıtsııa basqarmasy Krımınaldyq polıtsııa bóliminiń qyzmetkerleri anyqtaýynsha, kúdikti túnde eskertkishtegi jezden quıylǵan áripterdi urlaǵan.
Jedel-izdestirý is-sharalaryn júrgizý barysynda tártip saqshylary buryn birneshe ret osyǵan uqsas qylmystary úshin sottalǵan 32 jastaǵy qala turǵynyn ustady.
«Qazirgi ýaqytta ustalǵan er adam ýaqytsha ustaý ızolıatoryna qamalyp, QR QK-nyń 118-baby boıynsha sotqa deıingi tergeý amaldary júrgizilip jatyr. Polıtsııa qyzmetkerleri urlanǵan áripterdiń bir bóligin metall synyǵyn qabyldaıtyn orynnan alǵan», - delingen Nur-Sultan qalasy Polıtsııa departamentiniń baspasóz habarlamasynda.
Baspasóz qyzmetiniń habarlaýynsha, urlanǵan zatty satyp alýshyǵa qatysty da sotqa deıingi tergeý amaldary júrgizilýde.
