Elordada eskertkishter jýylyp, tazartyldy
NUR-SULTAN. QazAqparat – Elordada «Jer ana» men Atatúriktiń sekertkishteri jýylyp, tazartyldy, dep habarlaıdy QazAqparat «Baıqońyr» aýdany ákimdigine silteme jasap.
«Baıqońyr» aýdanynda ornatylǵan eskertkishter men sáýlet músinderin jýyp, tazartý jumystary júrgizilgen. Budan bólek, «Jer ana» eskertkishi tuǵyrynyń granıt plıtalary men Úsh arys eskertkishi tusyndaǵy jabyn plıtalar aýystyrylǵan.
Eske sala ketsek, Jumabek Táshenev pen Alash Orda qozǵalysynyń kóshbasshylaryna arnalǵan eskertkish bıyl ǵana aýdan aýmaǵyna ornatylǵan edi.
«Jalpy, «Baıqońyr» aýdanynda 5 eskertkish pen 17 sáýlet músini boı kótergen. Máselen, mádenı eskertkishterdiń qatarynda A.Baraev pen J.Táshenov kósheleri qıylysynda ornalasqan «Jer ana» eskertkishi, Atatúrik saıabaǵyndaǵy Kemal Atatúrikke arnalǵan eskertkish, Jambyl Jabaev saıabaǵyndaǵy abyz aqyn Jambylǵa arnalǵan eskertkish, Jazýshylar alleıasyndaǵy Úsh arysqa arnalǵan monýment jáne UOS maıdanyna attanǵan jaýyngerlerdiń eskertkishi bar», delingen habarlamada.
Amangeldi Imanov, Shoqan Ýálıhanov pen Jumabek Táshenevke arnalǵan sáýlet músinderi qaıratkerler atyndaǵy kóshelerge kórik berip tur. Sondaı-aq, J.Táshenov kóshesindegi «Astana» jáne Jazýshylar alleıasyndaǵy «Abaıdyń qara sózderi» ınstallıatsııasy da aýdannyń ajaryn asha túsken.
