Elordada esirtki jarnamasyn taratqan úsh jigit ustaldy
NUR-SULTAN. QazAqparat - Elordada esirtki satatyn saıtty jarnamalaǵan úsh jigit ustaldy, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
Nur-Sultan qalasynyń polıtseıleri sıntetıkalyq esirtki usynatyn ınternet-saıt jarnamasyn taratqan 30 jáne 32 jastaǵy qala turǵyndaryn ustady. Olardy ustaýǵa qala turǵyndary da kómektesti.
«Olar ǵalamtor saıttary arqyly esirtki zatyn ótkizý jáne olardy paıdalaný, eliktirýge qatysy bar jarnamalardy taratqan. Olardy ustaý kezinde trafaret pen aerozol boıaý ballondary tárkilendi. Jyl basynan beri 100-den astam osyndaı saıt anyqtalyp, olardy buǵattaý jónindegi aqparat quzyrly organdarǵa joldanǵan. 7 adam jaýapkershilikke tartyldy» delingen habarlamada.
Polıtsııa departamenti osy azamattar týraly qandaı da bir aqparat biletinder bolsa, Esirtki qylmysyna qarsy kúres basqarmasynyń jasyryn senim telefon nómirlerine 71-63-93, 71-62-60 nemese 102-ge habarlasýyn ótinedi.
