Elordada esirtki saıttaryn jarnamalaý faktisimen 16 qylmystyq is qozǵaldy
«Búginde esirtkiniń zańsyz aınalymy negizinen Internet arqyly júzege asyrylady jáne ol jastar arasynda satýǵa baǵyttalǵan. Oǵan ár túrli saıttarda, blogtar men forýmdarda esirtkini jarnamalaý men nasıhattaý sep bolyp otyr. Esirtkini satýshylar tutynýshylardyń sanyn kóbeıtý maqsatynda Internetti keńinen qoldanady. Bul olardyń jasyryn áreket etýimen qatar satýshylar men satyp alýshylardy izdeýdi keńeıtýge, sondaı-aq zańsyz esirtki aımaǵy marketıngin uıymdastyrýǵa múmkindik beredi. Mundaı saıttardyń kópshiligi sheteldik domenderde tirkelgen. Al bul jaıt olardyń jumysyn tolyqtaı toqtatýǵa jáne esirtki bıznesiniń uıymdastyrýshylaryn jaýapqa tartýǵa múmkindik bermeı otyr», - dedi ol.
Basqarma basshysynyń atap ótýinshe, jyl basynan beri elordada QR Qylmystyq kodeksiniń 299-1 babymen, ıaǵnı esirtki saıttaryn jarnamalaý faktisimen 16 qylmystyq is qozǵaldy.
«Elorda turǵyndarynan esirtki zattaryn jarnamalaıtyn dúkenderdiń graffıtı sýretterine qatysty 67 habarlama tústi, barlyǵy joıyldy. 18 veb-saıttyń meken jaıy buǵattaýǵa jiberildi», - dedi Oljas Jarylǵapov.
Onyń dereginshe, esirtki quraldaryn, psıhotroptyq zattardy nemese olardyń analogtaryn, prekýrsorlardy buqaralyq aqparat nemese elektrondy quraldardy qoldaný arqyly nasıhattaý nemese zańsyz jarnamalaǵandarǵa 3 jyldan 6 jylǵa deıingi merzimge bas bostandyǵynan aıyrý jazasy kózdelgen.
