Elordada esirtki saýdasyna qatysy bar polıtseıler sottaldy
NUR-SULTAN. QazAqparat - Elordada esirtki saýdasyna qatysy bar polıtsııa qyzmetkerleri sottaldy, dep habaralıdy QR UQK baspasóz qyzmeti.
«2018 jylǵy tamyzda Qazaqstan Respýblıkasynyń Ulttyq qaýipsizdik komıteti geroın ótkizýge jáne laýazymdyq ýákilettilikterin asyra paıdalanýǵa qatysy bar Nur-Sultan qalasy Polıtsııa departamenti Esirtkige qarsy kúres basqarmasy bastyǵynyń orynbasary M. Kantýrınniń jáne PD Tergeý basqarmasynyń tergeýshisi polıtsııa aǵa leıtenanty M. Ázimhannyńzańǵa qaıshy áreketin anyqtap, jolyn kesti» delingen habarlamada.
2019 jylǵy 29 naýryzda Nur-Sultan qalasy Qylmystyq ister boıynsha mamandandyrylǵan aýdanaralyq sotynyń úkimimen
M. Kantýrın jáne M. Ázimhan QR QK 366-baby 3-bólimi boıynsha, sondaı-aq M. Kantýrın qosymsha QR QK 297-baby 3-bólimi,
361-baby 1-bólimi boıynsha kináli dep tanylyp, memlekettik qyzmette qyzmet isteý quqyǵynan ómir boıyna aıyryla otyryp, 10 jáne 8 jylǵa sottaldy. Olar jazasyn qaýipsizdigi barynsha joǵary jáne ortasha túzeý kolonııalarynda óteıdi.
