Elordada esirtki saýdasymen aınalysqan erli-zaıyptylar ustaldy
Esirtki satatyn adamdardy anyqtaý boıynsha arnaıy operatsııany polıtsııa osy jyldyń 6 qarashasynda ótkizgen. Arnaıy operatsııa barysynda geroın satý kezinde 37 jastaǵy er adam men onymen birge turatyn 49 jastaǵy áıel ustalǵan.
Polıtsııa qyzmetkerleri ustalǵandar turǵylyqty jerinde esirtki satatyn saýda núktesin uıymdastyrǵanyn anyqtaǵan. Erli-zaıyptylardyń páterin tekserý kezinde olardan - esirtki qabattary bar elektrondy tarazy, 1 mıllıon teńgeden astam somadaǵy qolma-qol aqsha, sondaı-aq «geroın» salynǵan 2 polıetılen paket jáne daıyndalǵan esirtki salynǵan oralǵan 25 qaǵaz paket tabylǵan.
Zańsyz bıznestegi «seriktesterdiń» róli naqty bólingen kórinedi. Al esirtki saýdasynan túsken aqsha jalpy otbasylyq bıýdjetke túsip otyrǵan.
«Áıel jetkizýshilermen baılanysty ustap, esirtkini býyp-túıip, qarajattyń bólinýine jaýapty bolǵan. Al onyń kúıeýi tikeleı esirtki satýmen aınalysyp kelgen», - deıdi Nur-Sultan qalalyq polıtsııa bólimi polıtsııa bastyǵynyń orynbasary polıtsııa polkovnıgi Erlan Ákbarov.
Áıeldiń buǵan deıin de esirtki satqany úshin eki ret sottalǵany belgili bolyp otyr. Jedel sharalardyń nátıjesinde esirtkini tutyný úshin zańsyz aınalymnan shamamen 400 gramm geroın alynǵan. Onyń baǵasy «qara naryqta» aqshalaı túrde bólip satan jaǵdaıda 6 mıllıon teńgeden asady.
Ustalǵan adamdar qazir Qylmystyq kodekstiń 297-baby 4-bóligi boıynsha qylmystyq jaýapkershilikke tartylǵan. Kinási dáleldengen jaǵdaıda olar 7 jyldan 25 jylǵa deıin bas bostandyǵynan aıyrylýy múmkin.