Elordada esimi álemge tanymal sýretshi ıAsenkı Týchan-Vaıannyń jeke kórmesi ashyldy
STANA. Naýryzdyń 30-y. QazAqparat /Marlan Jıembaı/ - Keshe elordadaǵy Qazirgi zamanǵy óner murajaıynda esimi álemge tanymal gobelenshi, sýretshi ári músinshi ıAsenkı Týchan-Vaıannyń «Jol jazbalary» degen taqyryppen jeke kórmesi ashyldy.
Murajaıda onyń 1995-2010 jyldar aralyǵynda somdaǵan gobelenderi, músinderi, erekshe qaǵazdan jasalǵan óner týyndylarynyń 100-den astamy qoıylǵan.
«Bul halyqaralyq masshtabtaǵy kórme. Meniń oıymsha, bul kórme úlken tabysqa jetedi, sebebi óner súıer qaýym tarapynyń qyzyǵýshylyǵy zor ekendigin baıqadym. Jalpy, ónerdiń zulymdyqqa, lańkestikke qarsy jáne beıbitshilikti saqtaý isine qosar úlesi óte mańyzdy», dep atap ótti kórmeni tamashalaýǵa kelgen Frantsııanyń elimizdegi elshisi Jan-Sharl Bertone.
ıAsenkı Týchan-Vaıan Horvatııada dúnıege kelgen. Zagreb kórkemóner akademııasyn bitirgen. Frantsýz toqyma ortalyǵynda ónerin jetildirgen ol óziniń kórkem toqyma sheberhanasyn qurǵan. Alǵashqy jeke kórmesin 1974 jyly ótkizgen ıAsenkı qazirgi ýaqytta álemniń tanymal murajaılary men galereıalarynda 60-tan astam kórme uıymdastyrdy. Kóptegen syılyqtar men marapattardyń ıegeri.
