Elordada Esil ózeninde keme júzý maýsymy ashylady
ASTANA. QazAqparat - Esil ózeninde 15 mamyrda keme júzý maýsymy ashylady. Saltanatty rásimge múgedek balalarǵa arnalǵan ınternat úıiniń tárbıelenýshileri, UOS ardagerleri jáne elordanyń qurmetti qonaqtary qatysady.
Bul týraly Qala ómiri tirshiligin qamtamasyz etý jáne ınfraqurylymdy damytý bólimi habarlady dep málim etti Astana qalasy ákimi apparatynyń baspasóz qyzmetinen. Búgingi tańda Esil ózenindegi keme júzý baǵdarynyń uzyndyǵy 9 shaqyrymǵa shaq. Kásiporyn flotynda segiz keme qyzmet kórsetýge saqadaı-saı daıyn. Onyń qatarynda syıymdylyǵy 69, 60, 32 jáne 45 adamdyq 5 jaıly jolaýshylar kemesi, sonymen qatar qutqarý katerleri men súıreýish kemeler bar. Qazirgi ýaqytta Astanada «Kenesary» jáne «Redısson» atty 2 aılaq qurylǵan. Jolaýshylarǵa yńǵaıly bolý úshin aılaq saıaly shatyrmen jabylǵan 8 jaıly qalqymaly aılaqpen jabdyqtalǵan.
