Elordada Esil ózeni men onyń salalary júıeli túrde tazartylyp otyr
«Esil ózeniniń aýmaǵynda, sondaı-aq onyń salalary – Aqbulaq jáne Sarybulaq arnalarynyń aıdynyn, jaǵasyn tazartý jumysy turaqty túrde júrgizilýde. Brıgada jumysshylary túrli qoqystardan, artyq ósimdikterden tazartady», - dedi qorshaǵan ortany qorǵaý jáne tabıǵat paıdalaný basqarmasynyń bólim basshysy Jiger Sattarova.
Sonymen qatar, «Astana sý arnasy» MKK Esil ózeniniń arnasy – Aqbulaqqa sorǵy-súzgi stantsııasynan shaıyndy sý aǵyzady. Mamandar bul sý taza jáne qala turǵyndary men qonaqtary úshin qaýipsiz ekenin málim etti.
«Astana sý arnasy» MKK sorǵy-súzý stantsııasy Ekologııa departamentinen emıssııaǵa jáne basseındik ınspektsııasynyń ruqsaty boıynsha Aqbulaq ózenine shaıyndy sý aǵyzady. Sýdy aǵyzý belgilengen normatıv boıynsha júrgiziledi. Maýsym aıynda Ekologııa departamenti sý synamalaryn júrgizip, jospardan tys tekserdi, onyń negizinde belgilengen normadan asyp ketý anyqtalǵan joq», - dep túsindirdi «Astana sý arnasy» MKK sorǵy-súzý stantsııasynyń jetekshi ınjener-tehnology Tatıana Smolkova.
«Astana sý arnasy» MKK málimeti boıynsha Aqbulaq ózenine sorǵy-súzý stantsııasynan aǵyzylatyn sý jaǵymsyz ıistiń kózi bolyp sanalmaıdy. Qaıta bul sý taza ári qaýipsiz bolyp esepteledi.
«Astana sý arnasy» MKK káriz-tazartý qurylǵylary Kóktal jáne Talapker turǵyn alaptarynyń arasynda, ıaǵnı Esil ózeniniń qaladan tys aǵysyna qaraı aǵyzylady. Al tazartylǵan sýdyń sapasy normatıvke sáıkes keledi», - dep habarlady «Astana sý arnasy» MKK bas ınjener-tehnology Fırýza Aldynǵurova.
Kásiporyn 10 kún saıyn aǵyzylatyn sýdyń sapasyna qatań baqylaý júrgizedi.
Qalanyń nóser kárizin tazartý boıynsha «Elorda Eco System» kásiporny júıeli jumys júrgizýde. Oǵan kún saıyn 25-ten astam arnaıy tehnıka men 80-ge jýyq jol jumysshy jumyldyrylady.
Sol sııaqty ashyq nemese buzylǵan lıýkterdi, nóser jelisiniń toryn jabý úshin turǵyndardan túsken ótinimder pysyqtalýda.
Kommýnaldyq qyzmetkerler 2021 jyldyń 1 qańtary men 7 shilde aralyǵynda uzyndyǵy 19 myń metrden astam kollektordy jýdy, sol sııaqty 1 723 jaýyn qabyldaǵysh qudyqty tazartyp, 918 tonna laı shyǵardy.
Nóser káriziniń jelisine zańsyz qosylyp, qaldyq sý aǵyzylǵany anyqtalýda.
Jyl basynan beri jalpy uzyndyǵy 54 000 metrdiń boıynan 3 120 qudyq tekserilip, oǵan zańsyz qosylǵan 114 jaǵdaı anyqtaldy.
Onyń ishinde 1,5 mln teńgeden asatyn somaǵa 114 eskertý berilip, 119 aıyppul salyndy.
