Elordada Esil aýdanynyń ákimi eskertý aldy
NUR-SULTAN. QazAqparat – Nur-Sultan qalasy Esil aýdanynyń ákimi Berik Jákenovke eskertý jasaldy. Bul týraly elorda ákimdiginiń Instagram-daǵy resmı paraqshasynda málim etildi, dep habarlaıdy QazAqparat.
«Saıabaqtyń jaı-kúıi men jumys qarqynynyń tómen bolýyna oraı Esil aýdanynyń ákimi Berik Jákenov pen merdiger eskertý aldy. Barlyq kemshilikterdi túzetýge ýaqyt berildi. Ábý-Dabı Plaza mańynda ornalasqan saıabaq eki jyl buryn ashylýy tıis bolatyn», - delingen aqparatta. Málim bolǵandaı, atalmysh saıabaq bıyl ashylady dep josparlanǵan. Onyń aýmaǵy 11 gektardan asady. 3,5 myńǵa jýyq aǵash otyrǵyzylǵan. Balalarǵa arnalǵan oıyn alańy, skeıt-alańy jáne taǵy basqalary bar.
Bıyl Nur-Sultan qalasynda barlyǵy 50-ge jýyq qoǵamdyq oryn abattandyrylady. Olardyń qatarynda saıabaqtar, tynymbaqtar jáne taza aýada serýendeýge arnalǵan basqa da oryndar bar. Basym bóligi «jumyspen qamtýdyń jol kartasy» baǵdarlamasy aıasynda jasalady.
Shetkeri aımaqtardy damytý aıasynda «Kóktal» eldi mekeninde saıabaq qurylysy jalǵasyp jatyr. Saıabaq aýmaǵy tynysh demalys aımaǵy, belsendi demalys aımaǵy jáne balalar demalys aımaǵy bolyp 3-ke bólinedi. Saıabaq aýmaǵynda 8 myń aǵash otyrǵyzý josparlanyp otyr. Sonymen birge 4 iri dene shynyqtyrý-saýyqtyrý kesheni salynady. Ekeýinde qurylys jumystary bastaldy.
