Elordada erteńnen bastap saýda ortalyqtary men kafeler qalaı jumys isteıdi
Nur-Sultan qalasynyń bas memlekettik sanıtarlyq dárigeriniń jańa qaýlysy 2021 jylǵy 22 maýsym kúni QR aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııa otyrysynyń hattamasy negizinde qabyldanǵan bolatyn.
Qujatqa sáıkes, saýda, oıyn-saýyq ortalyqtarynyń jumys kestesi ózgertildi.
Erteńnen bastap SOO-lar COVID-19-ǵa qarsy vaktsınalaý pýnkteri ornalasqanyna qaramastan, dúısenbi-juma kúnderi saǵat 10:00-den 17:00-ge deıin ǵana jumys isteıdi. Saýda, oıyn-saýyq ortalyǵynda ornalasqan azyq-túlik jáne birinshi kezekte qajetti zattardy satatyn shaǵyn marketterge, sýpermarketter, gıpermarketter men dárihanalarǵa bul shekteý qoldanylmaıdy.
Fýdkorttardyń jumysy tamaqty ózimen birge alyp ketý nemese jetkizý tártibi boıynsha jumys isteıdi. Bul «Ashyq» jobasyna qatysatyn fýdkorttarǵa qoldanylmaıdy.
Al túrli aktsııalar, jármeńkeler, shoýrýmdar, oflaın formattaǵy utys oıyndaryn ótkizýge tyıym salynady.
Sondaı-aq qaladaǵy dámhanalar men meıramhanalardyń da jumys ýaqyty qysqartylatyn bolady.
«Ashyq» jobasyna qatysatyn obektilerdi qospaǵanda meıramhanalar, dámhanalar, kofehanalar tıpindegi (ǵımarattardyń ishinde) qoǵamdyq tamaqtaný nysandarynyń jumysyn ornalasqan jerine qaramastan, kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy jáne kórshiles ústelderdiń shetki oryndary arasynda keminde 2 metr áleýmettik qashyqtyqty saqtaı otyryp, toltyrylýy 50%-ǵa deıin, biraq 30 orynnan aspaıtyn sharttardy qamtamasyz etýi kerek.
Osy jaǵdaıda jumys kúnderi saǵat 07:00-den 20:00-ge deıin jumys kestesin belgileýmen, senbi jáne jeksenbi kúnderi jumystaryna tyıym sala otyryp uıymdastyrylýy tıis», — delingen qaýlyda.
