Elordada eresekter men jasóspirimder tóbeles shyǵardy
ASTANA. QazAqparat – Elordada jasóspirimder eldiń mazasyn alǵan. Іske eresekter aralasqan, biraq onyń arty daýǵa aınalǵan, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.
«2023 jylǵy 15 tamyzda «102» arnasyna turǵyn úı aýlasynda tóbeles bolyp jatqany týraly aqparat kelip tústi. Polıtsııa qyzmetkerleri turǵyndardyń aýlada qatty shý shyǵarǵan jasóspirimderge eskertý jasaǵanyn anyqtady. Anyqtalǵandaı, shýdyń arty janjalǵa aınalǵan. Barlyq qatysýshy polıtsııa bólimine jetkizildi», - delingen elorda polıtsııasynyń resmı aqparatynda.
Qalalyq polıtsııa usynǵan resmı derekke sáıkes, ákimshilik is júrgizý sheńberinde tekserý júrip jatyr.
«Onyń nátıjesi boıynsha aıyptylarǵa qatysty tıisti sharalar qabyldanady», - deıdi departamentten.
