Elordada erekshe kútimdi talap etetin balalardyń jańajyldyq shyrshasy ótti
ASTANA. QazAqparat - Astanada erekshe kútimdi talap etetin balalarǵa arnalǵan jańa jyl keshi uıymdastyryldy, dep habarlaıdy QazAqparat tilshisi.
Jańa jyldyq shyrsha keshin ashqan Astana qalasynyń ákiminiń orynbasary Ermek Amanshaev búldirshinderdi kele jatqan merekemen quttyqtady.
«Búgin elordada balalar úshin kópten kútken jańa jyl merekesi. Astana tórinde osyndaı keremet merekeni bárimiz birge qarsy alýdamyz. Elimizdiń bas qalasynda turatyn sizder baqyttysyzdar, Astanany kórgisi keletin qanshama balalar bar. Sizderdi aldaǵy jyl tek jaqsylyqtar alyp kelsin. Jańa jyl ár balany erekshe syıymen qýantsyn», - dedi ol.
Jańa jyldyq sharaǵa erekshe kútimdi talap etetin 300 bala qatysty. Jáne olarǵa merekelik kóńil-kúıden bólek, táttiler men aqshalaı syılyq berildi.
«Bıylǵy jańa jyldyq merekeni erekshe kútimdi talap etetin balalarǵa arnadyq. Kontsertke qalanyń barlyq balalar shyǵarmashylyǵy ujymdary qatysýda. Merekelik kontsertte balalarmen oıyn oınatylyp, Aıaz ataǵa tilekterin jazýda. Odan bólek, tátti syılar men ár balaǵa 50 myń teńgeniń sertıfıkaty tabys etiledi», - dedi qalalyq Bilim basqarmasy basshysynyń orynbasary Dýlat Jekebaev.
Onyń aıtýynsha dástúrge aınalǵan jańa jyldyq jıynnyń bıylǵy ereksheligi búldirshinderdiń ata-analarynyń da qatysýy. 
