Elordada erekshe balany uryp-soǵý faktisi taǵy qaıtalandy

ASTANA. QazAqparat – Bıyl qańtarda astanalyq ana balasyn tárbıelenip jatqan ortalyqtyń qyzmetkeri uryp-soqty dep shaǵym túsirgen edi. Araǵa ýaqyt salyp uryp-soǵý oqıǵasy qaıtalanyp otyr, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.

«3 mamyrda saǵat 19:48-de polıtsııaǵa 6 jasar ulyna qalanyń ońaltý ortalyqtarynyń birinde jasalǵan qatygezdik faktisi boıynsha elorda turǵyny aryzben júgindi. «Almaty» aýdandyq polıtsııa basqarmasy Qylmystyq kodekstiń 140-baby boıynsha «Kámeletke tolmaǵan balany tárbıeleý jónindegi mindetterdi oryndamaý» aıybymen sotqa deıingi tergep-tekserý bastaldy», - delingen habarlamada.

Aqparatta aıtylǵandaı, atalǵan fakti boıynsha qajetti saraptama taǵaıyndaldy.

«Qylmystyq-protsestik kodeksiniń 201-baby negizinde tergeý múddesinde sotqa deıingi tergep-tekserýdiń ózge de derekteri jarııa etilýge jatpaıdy», - deıdi vedomstvodan.

Eske sala ketsek, bıyl qańtarda elordada erekshe balalardy uryp-soqqan astanalyq tárbıeshiniń ústinen qylmystyq is qozǵalǵan edi.

Іshki ister mınıstrliginiń aqparatynsha, 17 qańtarda polıtsııaǵa elorda turǵyny «Balam-Aı» balany damytý ortalyǵynda onyń kámeletke tolmaǵan ulyna qatygezdikpen qaraý faktisi boıynsha júgindi.

Keıin elimizdiń bas prokýrory Berik Asylov atalǵan oqıǵanyń mán-jaıyn anyqtaýdy óz baqylaýyna alatynyn málim etti.