Elordada erekshe balalarǵa arnalǵan kabınette 48 bala tárbıelenip jatyr
ASTANA. QazAqparat – Astanadaǵy №89 «Qyz jibek» balabaqshasynda erekshe balalarǵa qoldaý kórsetetin arnaıy kabınet bar, dep habarlaıdy QazAqparat tilshisi.
№89 «Qyz jibek» balabaqshasynda barlyǵy 315 bala tárbıelenip jatyr, onyń ishinde 48-i erekshe balalar.
Balabaqsha basshylarynyń aıtýynsha, barlyq bala birdeı jaǵdaıda bilim-tárbıe alyp jatyr. Degenmen keıbir erekshe balalardyń tárbıesine erekshe nazar aýdarýǵa týra keledi. Balalardyń barlyǵy birdeı emes.
«Qazaqstan boıynsha ınklıýzııany qoldaý kabıneti ekeý ǵana. Sebebi bul pılottyq joba. Osydan eki jyl buryn elordanyń bilim basqarmasy jáne bizdiń qordyń qoldaýymen eki ınklıýzıvti kabınet ashqan bolatynbyz. Inklıýzıvti bilim berýdi erte jastan qolǵa alǵan óte mańyzdy. Búgingi is-shara aıtýly kezeńge kelip tur, sáýir bizde aýtızm aıy. Bul aıda dúnıejúzi boıynsha aýtızm taqyrybynda túrli formattaǵy is-sharalar ótedi. Biz turǵan balabaqshada 5 balada aýtızm belgisi bar. Bul jerde ár balamen tıýtor jáne psıholog jumys isteıdi. Ókinishke qaraı, mundaı múmkindik brlyq balabaqshada joq», - dedi «Bolashaq» qaıyrymdylyq qory qamqorshylyq keńesiniń tóraǵasy Dınara Shaıjúginisova.
«Qyz jibek» balabaqshasynda erekshe balalarmen jumys isteıtin 5 tıýtor jáne 1 psıholog maman bar.
Inklıýzııa kabıneti arnaıy jabdyqtalǵan jáne balalardyń ereksheligine saı jaǵdaı jasalǵan.
«Osy balabaqshaǵa erekshe 5 jasar bala kelgen jáne ol múldem sóılemeıtin bolǵan. Mamandardyń kómegimen bala sóılep, balabaqshadan túlegen kezde múldem basqa bala bolyp shyqqan. Biz buny keremet nátıje dep oılaımyz. Ákimdikterdiń qoldaýymen aldaǵy ýaqytta ınklıýzııa kabınetterin ashýdy jalǵastyratyn bolamyz. Erekshe balalarǵa jaǵdaı jasaýda, ınklıýzıvti bilim berýdi uıymdastyrýda zańnamalyq aktilerge ózgeris engizý jaǵy týyndaıdy. Ol bir kúndik sharýa emes», - deıdi ol.
Mamandardyń aıtýynsha, erekshe balalardyń minez-qulqy men ózin-ózi ustaýy árbólek. Biri sóıleı almasa, ekinshisi ózin ustaý jaǵynan qıynǵa soǵýy múmkin. Sondyqtan da mamandar ár balamen jeke jumys isteıdi.
«Erekshe balalardy tárbıeleýde AVA terapııany qoldanamyz. Ol ǵylymı turǵydan dálendengen ádis. ıAǵnı aýtızm jáne basqa da dıagnozy bar balalardyń minez-qulqyn ońaltýda qoldanylady. Búgin ashylyp otyrǵan kabınette balalardyń ereksheligine qaraı árqaısysymen jeke jumys isteýge múmkindik bar. Bul kabınette balalar kúnine eki saǵat aınalysady, qalǵan ýaqytta basqa balalarmen birge bolady», - dedi minez-qulyq jónindegi sarapshy Kúmisaı Áldenova.
