Elordada er adamnyń múrdesi tabyldy
ASTANA. KAZINFORM – Qazir mert bolǵan jannyń jeke basy anyqtalyp jatyr. Bul týraly Astana qalalyq polıtsııa departamentiniń baspasóz qyzmeti habarlaıdy.
«102» arnasyna jergilikti ýchaskelerdiń biriniń mańynda er adamnyń múrdesi týraly habarlama túsken.
— Oqıǵa ornyna kelgen polıtsııa qyzmetkerleri belgisiz er adamnyń máıitin tapty. Qazir marqumnyń jeke basyn anyqtaýǵa jáne oqıǵanyń mán-jaıyn anyqtaýǵa baǵyttalǵan jedel-izdestirý sharalary júrgizilip jatyr, — delingen habarlamada.
Eske sala ketsek, elordada jyl basynan beri osymen ekinshi adam múrdesi tabylyp otyr. Qańtarda astanalyq polıtseıler adamnyń óli denesin tapqan edi.
Odan bólek, byltyr kúzde elordada jasóspirimniń múrdesi tabyldy. Keıin belgili bolǵandaı, jasóspirim mektep oqýshysy bolyp shyqty.