Elordada er adam ústine benzın quıyp, óz-ózin órtemek bolǵan
NUR-SULTAN. QazAqparat – Oqıǵa ornyna jedel jetken polıtsııa qyzmetkerleri 30 jastaǵy jigitti raıynan qaıtaryp, oqys jaǵdaıdyń aldyn aldy, dep habarlaıdy QazAqparat tilshisi qalalyq Polıtsııa departamentiniń baspasóz qyzmetine silteme jasap.
«Búgin saǵat 16.30-dar shamasynda «102» nómirine Qabanbaı batyr kóshesiniń boıyndaǵy keńselik ǵımaratta belgisiz er adamnyń ústine benzın quıyp, ózin-ózi órtegisi keletini jaıly habarlama kelip tústi. Oqıǵa ornyna jedel jetken patrýldik polıtsııa qyzmetkerleri jigitti raıynan qaıtaryp, oqys jaǵdaıdyń aldyn aldy», - dep habarlaıdy Polıtsııa departamentinen.
Medıtsınalyq kýálandyrý kórsetkendeı, er adam oqıǵa kezinde mas bolǵan. Atalǵan fakt boıynsha 30 jastaǵy qala turǵynynyń ústinen ÁQBjK-nyń 440-baby (qoǵamdyq orynda alkogoldik ishimdik ishý nemese mas bolyp kelý) jáne 434-shi baby (usaq buzaqylyq) boıynsha ákimshilik hattama toltyrylǵany habarlanyp otyr.
