Elordada er adam sábıdi anasynan tartyp alyp ketpek bolǵan

NUR-SULTAN. QazAqparat – Elordada belgisiz er adam arbada otyrǵan balany anasynan tartyp alyp ketpek boldy. Osy oqıǵanyń beınebaqylaý kamerasyna túsirilgen vıdeosy taraldy, dep habarlaıdy QazAqparat qalalyq Polıtsııa departamentine silteme jasap.

Beınbaqylaý kamerasyndaǵy kadrlardan er adamnyń áıelge jaqyndap, onyń balasyn arbadan qalaı shyǵaryp alǵanyn kórýge bolady. Keıin anasy balany bógde kisiniń qolyndaǵy balasyna jarmasady. Sol sátte jaıaý júrginshiler áıelge kómekke keledi, al er adam qashyp ketedi.

Qalalyq Polıtsııa departamenti oqıǵaǵa qatysty túsinikteme berdi.

«Senbi, 7 tamyz kúni Ábiken Bekturov kóshesindegi dúkenniń aldynda belgisiz bireý 1,5 jasar balany urlaýǵa tyrysqany týraly habarlama tústi. Balany alyp qalýǵa sol mańdaǵy jaıaý júrginshiler kómektesken. Oqıǵa ornyna jedel-tergeý toby shyǵyp, tártip saqshylary Aqmola oblysynyń 35 jastaǵy turǵynyn ustady. Medıtsınalyq kýálandyrý nátıjesi boıynsha ustalǵan adamnyń eskirtki qolǵany anyqtaldy. Derek boıynsha qylmystyq is qozǵalyp, tekserý jumystary júrip jatyr», - dedi atalǵan vedomstvodan.