Elordada er adam basqa bireýdiń saýsaq izin paıdalanyp, kartadan aqsha urlaǵan
NUR-SULTAN. QazAqparat – Polıtsııa qyzmetkerleri jedel-izdestirý is-sharalaryn júrgizý kezinde buryn sottalǵan 32 jastaǵy elorda turǵynyn ustady, dep habarlaıdy QazAqparat Nur-Sultan qalasynyń Polıtsııa departamentiniń baspasóz qyzmetine silteme jasap.
Tergeý barysynda kúdiktińniń qonaq úı nómirinde tanysymen ishimdik ishkeni anyqtaldy. Túnde dosynyń uıyqtap qalǵanyn kútip, onyń saýsaq izin skanerlegen jáne telefondy buǵattan shyǵarǵan. Odan ári mobıldi qosymshadan anasynyń banktik shotyna 130 myń teńge aýdardǵan. Jábirlenýshi kelesi kúni aqshasynyń joǵalǵanyn kórip, polıtsııaǵa habarlasqan.
Qazir kúdikti urlyǵyn moıyndap, aqshany ıesine qaıtardy. Endi oǵan qylmystyq jaýapkershilik júkteledi, sotqa deıingi tergeý amaldary júrgizilýde.
Polıtsııa qyzmetkerleri azamattardy qyraǵy bolýǵa shaqyrady. Saq bolyńyzdar: uıaly telefon men basqa da qundy zattardy qaraýsyz qaldyrmańyz. Aqshalaı qarajatty eshkimniń qoly jetpeıtin jerde saqtańyz. Eger siz qylmystyń qurbany bolsańyz, dereý polıtsııaǵa habarlasyńyz nemese «102» nómirine qońyraý shalyńyz!.
