Elordada epıdemıologııalyq jaǵdaı turaqsyz - Sarhat Beısenova
«Nur-Sultan qalasyndaǵy COVID-19 ınfektsııasy boıynsha epıdemıologııalyq jaǵdaı turaqsyz bolyp qalýda. Epıdemıologııalyq jaǵdaıdy baǵalaý matrıtsasy boıynsha 1 aı qyzyl aımaqta turmyz. Osy jyldyń basynan beri qala boıynsha syrqattanǵandar sany 15 myńnan asty. Pandemııa bastalǵannan beri 34 007 jaǵdaı tirkeldi. Onyń ishinde 21 957 sımptomdy jáne 12 050 sımptomsyz», - dedi ol.
Onyń atap ótýinshe, aqpan aıynda syrqattanýshylyq dınamıkasynda qańtarmen salystyrǵanda 25 paıyzǵa tómendeý bolsa, naýryz aıynan bastap elordada syrqattanýshylyqtyń turaqty ósýi baıqalady. Naýryz aıy men sáýirdiń 7 kúniniń qorytyndysy boıynsha qańtar men aqpan aılaryna qaraǵanda 2 338 jaǵdaıǵa kóbirek tirkeldi.
«17 naýryzdan bastap aýrýdyń kúndelikti ósýi 1 paıyzdan asyp, 20-25 naýryz aralyǵynda 0,64 paıyzǵa deıin tómendedi. Sońǵy 12 kúnniń ishinde bul kórsetkish orta eseppen 1,2 paıyzǵa saqtalyp otyr. Sońǵy táýlikte 578 bastapqy jaǵdaı tirkeldi. Sımpomy bar 404 jaǵdaı, sımptomsyz 174 jaǵdaı. Sońǵy aptadaǵy syrqattanýylyq kórsetkishteri aldyńǵy aptanyń deńgeıinen 23 paıyzǵa joǵary. Júz myń turǵynǵa shaqqandaǵy qarqyndy kórsetkish 249,6-ny qurady. Reprodýktıvtilik sany 1-den joǵary», - dedi Sarhat Beısenova.
