Elordada enesimen janjaldasqan er adam qamaýǵa alyndy
NUR-SULTAN. QazAqparat – Elordalyq turǵyn únemi ishimdik iship, otbasylyq janjal shyǵaryp otyrǵan, dep habarlaıdy QazAqparat Nur-Sultan qalalyq PD baspasóz qyzmetine silteme jasap.
«102» kanalyna egde jastaǵy áıelden kúıeý balasy otbasylyq janjal shyǵaryp, er adamnyń ózi daýdyń shıelenisýine ıtermeleıdi degen habarlamalar birneshe ret kelip tústi. Bir jyl ishinde ýchaskelik polıtsııa ınspektory 41 jastaǵy tóbeleskish azamat birneshe ret ÁQBtK-niń 73-baby boıynsha ákimshilik jazaǵa tartyldy. Sonymen qatar, sot er adamǵa qatysty tártibine úsh ret erekshe talap qoıdy. Alaıda, bul sharalar kúıeý bala men ene arasyndaǵy qaıshylyqty sóndire almady.
Er adam ishimdik ishýin jáne egde jastaǵy áıelmen janjaldasýyn qoımaı, oǵan psıhologııalyq jábir kórsetken.
Kezekti janjaldan keıin ýchaskelik polıtsııa ınspektory QR ÁQBtK-niń 669-baby, 2-tarmaǵy boıynsha ákimshilik is qozǵady. Mamandandyrylǵan aýdanaralyq sottyń sheshimimen er adam 3 táýlikke qamaýǵa alyndy.
