Elordada energııa únemdeý tehnologııasy boıynsha jańa Muz aıdyny ashyldy
ASTANA. 12 shilde. QazAqparat - Búgin elordada biregeı «Tarlan» muz aıdyny ashyldy. Muz aıdyny hokkeı men mánerlep syrǵanaýdan kásibı, jartylaı kásibı jáne áýesqoı komandalar úshin jattyǵý kesheni retinde jasalyp otyr.
Bul týraly búgin atalǵan keshenniń ashylý rásiminde «Kaspıı» sportty damytý qorynyń ókili Ǵazız Shahanov aıtty.
«Bastapqydan-aq úlken jarystar ótetin zal salý mindeti júktelgen joq. Qurylys barysynda qalada jattyǵýǵa arnalǵan muz aıdyndarynyń tapshylyǵy eskerildi. Sonymen qatar alǵashqy orynǵa ǵımarattyń energııa únemdeýi qoıyldy», - dedi ol.
Onyń atap ótýinshe, keshenniń tóbesi ekiqabatty zamanaýı plenkamen jabylǵan. Ol ystyq pen sýyqty shaǵylystyryp, ǵımartta aýa temperatýrasyn birqalypty ustaýǵa múmkindik beredi.
«Sonymen qatar tóbe jabyndysy tipti bultty kúnderi de ishke jaryq túsirip turýǵa qaýqarly. Munyń barlyǵy elektr energııasyna 44 paıyzǵa únemdeýge múmkindik beredi», - dedi Ǵ.Shahanov.
