Elordada Eńbekti qorǵaý jáne ónerkásiptik qaýipsizdik máselelerine arnalǵan І Qazaqstandyq halyqaralyq konferentsııa jáne KIOSH-2011 kórmesi ashyldy

Konferentsııanyń mańyzdy taqyryptarynyń biri el kásiporyndarynda jazataıym oqıǵalar men jaraqattanýdyń aldyn alýǵa baǵyttalǵan. Budan bólek alqaly jıynǵa qatysýshylar Eńbek qaýipsizdigi ulttyq strategııasymen tyǵyz baılanysty ózekti máselerdi, Óndiris qaýipsizdigi jáne eńbek qorǵaý salasyndaǵy QR zańnamasyna jasalǵan reforma nátıjelerin talqylamaq.

Al KIOSH-2011 kórmesi barysynda eńbekti qorǵaý jáne ónerkásip qaýipsizdigi salasyndaǵy eń sońǵy jetistikter, atap aıtqanda jeke qorǵanys quraldary, arnaıy aıaq kıimder, kaskalar, qolǵaptar, ólsheýish aspaptar, aýa tazartý júıeleri, ujymdyq qorǵanys quraldary tanystyryldy.

Eńbekti qorǵaýdyń dúnıejúzilik kúnine oraı uıymdastyrylyp otyrǵan shara 2 kúnge sozylady. Jobaǵa QR Eńbek jáne halyqty áleýmettik qorǵaý, Tótenshe jaǵdaılar, Densaýlyq saqtaý, Aqparat jáne baılanys mınıstrlikteri resmı qoldaý kórsetýde.