Elordada eńbek zańnamasynyń máselelerin túsindirý jónindegi reıdtik jumystar júrgizý bastaldy

Bul týrasynda elimizdiń Eńbek jáne halyqty áleýmettik qorǵaý mınıstrliginiń baspasóz qyzmetinen habarlady.

Halyqaralyq eńbek uıymy jarııalaǵan sáýirdiń 28-i Dúnıejúzilik eńbekti qorǵaý kúnine oraı Baqylaý jáne áleýmettik qorǵaý departamenti sáýir aıynda Astana qalasynda Aktsııa ótkizedi. Aktsııanyń negizgi maqsaty óndiristik jaraqattyń aldyn-alý jónindegi jumystyń tıimdiligin arttyrýǵa jáne óndiristegi jazataıym oqıǵalardy boldyrmaýǵa jáne tómendeýine keshendi is-sharalardy qoldaný qajettiligine jumys berýshilerdiń, jumysshylardyń, qoǵamnyń nazaryn tartý bolyp tabylady. Sáýirdiń 14-i men 15-i kúnderi qalanyń qurylys nysandarynda aktsııa sheńberinde túsindirme jumysy ótkiziledi», delingen baspasóz habarlamasynda.

Reıdtik jumysty uıymdastyrýdyń maqsaty - jumys berýshiler men jumysshylarǵa eńbek zańnamasyn túsindirý, salynyp jatqan nysandarǵa baryp, jumys berýshiler jáne jumysshylarmen kezdesýdi uıymdastyrý.

Reıdtik brıgadalardyń quramyna memlekettik eńbek ınspektorlary, qalalyq prokýratýranyń, «Nur Otan» HDP Astana qalalyq fılıaly, Kásipodaqtar keńesi, Astana qalasy boıynsha «Atameken» odaǵy fılıalynyń ókilderi kiredi.

Sáýir aıynyń sońyna qaraı Kongress-Holl saraıynda ákimdikpen prokýratýra, «Nur-Otan» HDP, kásipodaqtar jáne jumys berýshilerdiń qatysýymen keńeıtilgen jalpyqalalyq semınar-otyrys ótkiziledi. Alqaly jıyn barysynda eńbek týraly zańnamanyń saqtalýy, uıymdarmen eńbekti qorǵaý jáne qaýipsizdik týraly aqparattandyraý, sondaı-aq qaýipsiz eńbekke qatysty basqa da máseleler qarastyrylmaq.