Elordada eń úzdik jańajyldyq beınequttyqtaý baıqaýynyń jeńimpazy anyqtaldy
ASTANA. QazAqparat - Ksenııa Son elorda ákimdiginiń uıymdastyrýymen ótkizilgen eń úzdik jańajyldyq beınequttyqtaý baıqaýynyń jeńimpazy atandy. Búgin «Han Shatyr» SOSO-ynda Aıaz Ata erekshe ıdeıanyń avtoryna bas júlde IPhone 7 tabystady, dep habarlaıdy qalalyq ákimdiktiń baspasóz qyzmeti.
«Qazaqstandyqtardy Jańa jylmen quttyqtaý ıdeıasy qarasha aıynda týdy, elimizge degen súıispenshiligimizdi kórsetip, Prezıdentimizge alǵysymyzdy bildirgimiz keldi. Biz óz elimizdi maqtan etemiz. Óleńniń sózderin jazyp, beınebaıan túsirdik, sodan keıin ony ǵalamtorǵa saldyq», - deıdi Ksenııa Son adamnyń ishinen top jardy.
«Konkýrs úlken rezonans týdyrdy. Kelip túsken ótinimder kóp. Qatysýshylardyń qııaly ushan-teńiz. Bul sıýjette balalar án aıtady, quttyqtaý qazaq jáne orys tilderinde jasalǵan», - deıdi Astana qalasynyń jastar saıasaty máseleleri basqarmasynyń basshysy Ashat Oralov.
Eske salaıyq, baıqaý Aıaz Atanyń atynan Instagramdaǵy (ayazata_official) resmı paraqshada ótkizildi. Jarysqa nıet bildirgenniń bári qatysty.
