Elordada em qabyldap jatqan balalar da merekelik syılyqtan qur qalmaıdy
ASTANA. QazAqparat - 1 maýsym kúni «Taza nıet - Astana» qoǵamdyq qory Astana qalasynyń Densaýlyq saqtaý basqarmasymen jáne «Ulttyq Delfıı komıteti» korporatıvtik qorymen birlese Halyqaralyq balalardy qorǵaý kúnine oraı №2 qalalyq balalar emhanasynda statsıonarlyq em alyp jatqan balalarǵa arnalǵan «Baqyt syıla» qaıyrymdylyq aktsııasyn ótkizedi, dep habarlady qalalyq ákimdiktiń baspasóz qyzmetinen.
Qaıyrymdylyq sharanyń maqsaty statsıonarlyq em qabyldap jatqan balalarǵa naǵyz mereke, shattyq syılaý; balalardyń boıynda áleýmettik belsendilik daǵdylary men jaýapkershilikti qalyptastyrý; balalardyń ózara aralasýyna kómektesý. Merekelik aktsııa aıasynda balalar ujymdarynyń qatysýymen kontsert uıymdastyrylyp, astanalyq tsırk ártisteri shoý usynady. Sondaı-aq, balalarǵa táttiler men syılyqtar taratylady. Sondaı-aq, №6 qalalyq emhanada qyzmetkerlerdiń balalary úshin volonterlardyń qatysýymen «Balalyq shaq - balalar!» aktsııasy ótedi. Sharanyń maqsaty - Halyqaralyq balalardy qorǵaý kúnin merekeleý, balalar men ata-analardyń qarym-qatynasyn jaqsartý, densaýlyqtaryn nyǵaıtý, bir-birine degen senimdi arttyrý. Al, qalalyq №1 emhanada Halyqaralyq balalardy qorǵaý kúnine arnalǵan «Men beıbitshilikti salamyn» asfalttaǵy sýretter jarysy ótedi.
