Elordada em qabyldaǵan 7 erekshe bala Atyraýǵa arnaıy bortpen ushyp keldi

ATYRAÝ. QazAqparat – Erekshe balasy bar analar el astanasynan Atyraýǵa arnaıy bortpen keldi. Olar 18 naýryzdan beri Nur-Sultanda ońaltý kýrsynan ótken, dep habarlaıdy QazAqparat tilshisi oblystyq TJ rejimin qamtamasyz etý jónindegi jedel shtabqa silteme jasap.

14 jolaýshy mingen ushaq Atyraý halyqaralyq áýejaıyna qondy. Bortta Nur-Sultannan kelgen 7 ana men 7 erekshe bala bolǵan. Olar Respýblıkalyq balalardy ońaltý ortalyǵynda emdeý kýrsynan ótken. Biraq Qazaqstanda tótenshe jaǵdaı engizilip, qala shekaralarynyń jabylýyna baılanysty emdeý kýrsy aıaqtalǵan soń úılerine qaıta almaı qalǵan.

«Týǵan jerimizge qaıta almaı, qıyndyq týyndaǵan soń men óz atymnan jáne barlyq analardyń atynan Atyraý oblystyq jedel shtabyna hat jazyp, bizdi jáne balalarymyzdy úıge qaıtarýdy ótindim. Kelesi kúni bizge shtabtan habarlasyp, «TShO» kompanııasynyń qoldaýymen «Air Astana» áýe kompanııasynyń ushaǵymen Atyraýǵa qaıttyq», - deıdi erekshe balanyń anasy Saltanat Qonysova.

Aıta ketsek, ushyp kelgenderdiń barlyǵy koronavırýsqa PTR-test tapsyryp, bárinde teris nátıje kórsetti.