Elordada «Elorda Korshiler» baǵdarlamasy iske qosyldy

NUR-SULTAN. QazAqparat - Prezıdenttiń 2020 jylǵy 1 qyrkúıektegi Qazaqstan halqyna Joldaýy aıasynda elordada «Elorda Korshiler» ishinara kúrdeli jóndeý júrgizýdi talap etetin úıler tizilimin qurý jónindegi qalalyq baǵdarlama iske qosyldy, dep habarlaıdy QazAqparat elorda ákimdiginiń resmı saıtyna silteme jasap.

Múlik ıeleriniń ótinishteri men shaǵymdaryn taldaý qazirgi ýaqytta elordada áleýmettik osal sanattaǵy azamattar turatyn 1000-nan astam turǵyn úı bar ekenin anyqtady. Kóbinese mundaı ǵımarattardyń túri keńestik muraǵa jatady. Úılerde shatyrdy, qasbetti, ınjenerlik júıelerdi jóndeýge, aýmaqty abattandyrýǵa ınvestıtsııalardy qajet etedi.

Boljamdy shyǵyndardy obektıvti baǵalaý úshin ishinara kúrdeli jumystardy júrgizýdi qajet etetin úılerdiń biryńǵaı tizilimi qalyptastyrylady.

Baǵdarlamaǵa qatysý úshin ótinimder 2021 jyldyń sońyna deıin qabyldanady. Úıde keńes músheleriniń atynan basqarý organynyń bolýy mindetti.

Baǵdarlama bes kezeńnen turady:

1.Ótinimderdi jınaý jáne qabyldaý

2.Biregeı nómir bere otyryp, derekqorǵa engizý arqyly tizilimge engizý

3.Bazaǵa engizilgen ótinimder boıynsha taldamalyq esepti óńdeý jáne jasaý

4.Jumys tobyn bekitý

5.2022-2023 jyldar kezeńinde tizilimge engizilgen úıler úshin jergilikti atqarýshy organǵa qaraýǵa jáne sheshim qabyldaýǵa engizý.

Konkýrsqa qatysýshylarǵa qoıylatyn talap:

- QR azamattyǵy

- MIB tóraǵasy nemese JS senimdi tulǵasy (tirkeý týraly anyqtama, qarapaıym senimhat)

- úı keńesiniń bekitilgen quramynyń bolýy (keminde úsh adam)

- EDB-de eki shottyń bolýy (aǵymdaǵy, jınaq)

- 20% aspaıtyn debıtorlyq bereshek

- JS nysany kezinde basqarýshy sertıfıkatynyń bolýy

- Bekitilgen shyǵystar smetasynyń bolýy

- Servıstik qyzmet sýbektilerimen qyzmet kórsetý sharttarynyń bolýy

Baǵdarlamaǵa MIB nemese JS basqarýdyń bekitilgen nysandary bar úıler ǵana qatysa alady

Ótinishter «Turǵyn úı qatynastary týraly» QR Zańyna sáıkes basqarý nysandarynan https://4osi.kz/elorda-korshiler siltemesi boıynsha qabyldanady.