Elordada elimizdiń tanymal sportshylary óskeleń urpaqpen kezdesedi
ASTANA. 7 qazan. QazAqparat - Búgin elordadaǵy «Atameken» Qazaqstan kartasy» Etno-memorıaldy keshende «Sportqa birge!» atty uranmen elimizdiń tanymal sportshylarynyń óskeleń urpaqpen kezdesýi ótedi.
QR Mádenıet mınıstrliginiń qoldaýymen «Qazaqstan sport odaǵy» uıymdastyryp otyrǵan shara Elbasymyzdyń «Bolashaq irgesin birge qalaımyz!» atty Qazaqstan halqyna Joldaýyn nasıhattap, sportqa qoǵamdy tartý maqsatynda ótkiziledi.
Іs-sharanyń basty maqsaty - jas urpaqty sportpen shuǵyldanýǵa baýlý, sportty jáne salaýatty ómir saltyn nasıhattaý, ataqty sportshylardy kezdestirip, olardyń boıynda sportqa degen qulshynysty oıatý.
Kezdesýge qazaq kúresinen halyqaralyq deńgeıdegi sport sheberi, Álem chempıony, eki dúrkin Azııa chempıony Erlan Estek, qazaq kúresinen sport sheberi, Qazaqstan chempıonatynyń birneshe dúrkin júldegeri Darhan Ibraev, qazaq kúresinen sport sheberi, úsh dúrkin Azııa chempıonatynyń júldegeri, Qazaqstannyń birneshe dúrkin chempıony Darhan Bıjanov syndy tanymal azamattar qatysady.
