Elordada elimizde úzdik taýarlar shyǵaratyn kompanııalar belgili boldy
Marapattaý rásiminde sóz alǵan QR Premer-Mınıstriniń orynbasary, Indýstrııa jáne jańa tehnologııalar mınıstri Áset Isekeshev baıqaýǵa el ekonomıkasynyń túrli salasynda jemisti eńbek etip júrgen kompanııalardyń qatysqanyn atap ótti. Olar sapaly ári aldyńǵy qatarly ónimder shyǵara otyryp, kórshi elderdiń kásiporyndarymen básekege qabiletti ekendigin kórsetip otyr.
«Osyndaı baıqaý is-sharalary shaǵyn jáne orta bıznes ókilderi arasyndaǵy naqty básekelik ahýaldy qalyptastyrady. Bul kásipkerlerdiń ınnovatsııalyq áleýettin belsendirýge áser etedi jáne sapaly ónim shyǵarýdaǵy olardyń jumystarynyń tıimdilin arttyrýda, sapasyn basqarýda álemdik ustanymdardy tartýǵa múmkindik beredi», - dedi Á.Isekeshev.
Sonymen «Óndiristik maqsatqa arnalǵan úzdik taýarlar» atalymyna usynylǵan 55 úmitkerdiń arasynynan «Qazaqstan elektrolız zaýyty» (Pavlodar qalasy) jeńimpaz dep tanyldy. 2-3 dárejeli dıplomanttar ataǵy «Qaınar-AQB» (Almaty oblysy) men «Petropavl qurylys materıaldary zaýyty» JShS-ne (Soltústik Qazaqstan oblysy) buıyrdy.
«Halyq tutynatyn úzdik taýarlar» atalymy boıynsha 54 kompanııanyń arasynan úzdik shyqqan «Santehprom» JShS (Qaraǵandy q.) 1 dárejeli dıplommen marapattalsa, 2-3 dárejeli dıplomdardyń jeńimpazdary bolyp «Hımfarm» AQ (Shymkent q.) pen «Ekoton Batys» JShS (Aqtóbe q.) tanyldy.
Al 60 úmitker qatysqan «Úzdik azyq-túlik taýarlary» atalymynda júldeli oryndardy sáıkesinshe «Rahat» AQ (Almaty q.), «ıÝnıks» JShS (OQO) jáne «Óskemen qus fabrıkasy» AQ (Óskemen q.) bólisti.
