Elordada «Elge saýlyq, dárigerge qurmet» atty kitap kórmesi ashyldy

NUR-SULTAN. QazAqparat – Elordadaǵy Ulttyq akademııalyq kitaphanada Mádenıet jáne sport mınıstrliginiń qoldaýymen «Elge saýlyq, dárigerge qurmet» atty kitap kórmesi ashyldy, dep habarlaıdy QazAqparat tilshisi.

«Medıtsına mamandaryna degen qurmetpen búgin «Elge saýlyq, dárigerge qurmet» atty kitap kórmesin ashýdy jón kórdik. Sebebi basymyzdan ótken osynaý qıyn zamanda bárimiz táýeldi boldyq. Dárigerler jumysta qanshalyqty maman ekenin, jumysynyń joǵary deńgeıin kórsete bildi. Halyqqa qyzmet etti. Dárigerlerdiń arqasynda aman-saýmyz. Olarǵa qurmet kórsetý – bizdiń paryzymyz», - dedi kórmeniń ashylý saltanatynda Ulttyq akademııalyq kitaphanasynyń bas dırektory Úmithan Muńalbaeva.

Іs-sharada kitap-ıllıýstratsııalyq kórmesi nazarǵa usynyldy. Onda medıtsına salasy boıynsha, ásirese pýlmonologııa men juqpaly aýrýlar týraly kitaptar men merzimdi basylymdar qoıylǵan. Odan bólek karantın kezinde batyldyq pen tózimdilik tanytqan dárigerlerdiń ǵylymı eńbekteri, marapattary jáne jeke zattary tanystyryldy.

Koronavırýs pandemııasy ulttyq densaýlyq saqtaý júıesi úshin úlken synaq bolýmen qatar, elimizdiń medıtsına salasy úshin tájirıbe mektebine aınalyp otyr.