Elordada elektronıka dúkeninen qymbat smart-saǵat urlandy
NUR-SULTAN. QazAqparat – Elektronıkalyq dúkenge kelgen 26 jastaǵy jigit vıtrınadan qymbat smart-saǵatty urlap ketti, dep habarlaıdy QazAqparat tilshisi.
«Belyı veter» elektronıka dúkenine kelgen jas jigit satýshynyń joqtyǵyn paıdalanyp, vıtrınadan quny 230 myń teńgelik «Apple watch» smart-saǵatyn urlap ketken. Osydan keıin kedergisiz dúkennen shyǵyp, iz sýytyp ketken.
«Polıtsııa qyzmetkerleri 26 jastaǵy elorda turǵynyn ustady», - dep habarlaıdy qalalyq polıtsııa departamentinen.
Qolsaǵat urlaǵan jas jigit osylaısha birneshe saǵattyń ishinde ustaldy. Kinásin moıyndaǵan aıypker qymbat gadjetti dúkenge qaıtaryp berdi. Qazirgi ýaqytta ol QR Qylmystyq kodeksiniń 188-baby (urlyq) boıynsha aıypqa tartylǵan. Onyń basqa da qylmystarǵa qatysynyń bar-joǵy anyqtalýda.
